بسم الله الرحمن الرحيم
هذه وداعيتي لهذا المنتدى من كان له حق فليأخذه
خساره كبيره عندما تفقد زبائنك بسبب فشلك في مهنتك
اعترف انا هنا بأني مرشد سياحي فاشل
ومضه/ظلي لم يشاهد المنظر الاول لذلك اعتقد بأنه خانني
اليكم
شفت ذاك اللي هناك ؟...ذاك ...ذاك اللي يموت
أمه ماتت قبل أمـس والسبـب فيـروس جـوع
هذا فيروس(ن)وراثـي اعتنـق بعـض البيـوت
قالوا عنه انه تلوث صـار فـي ارض القنـوع
من نهر سمّوه..فقر هـو سقاهـم سلـب قـوت
مايهـم/ بالله قـم /يالله حـان وقـت الطـلـوع
هات يمينك قم.. وصل ..وقت فرضـك لايفـوت
بعدما الشمس استفاقت وابتـدت تشعـل شمـوع
قام ظلي..وهو تبعني في قطاري تـوت.. تـوت
خطوه..ثنتين..وثلاثه..بعدهـا طـاح الـوقـوع
بعد منظر من جمالـه مـال لـه جـذع الثبـوت
عنـد تقسيـم الملابـس كنّـهـا حفـلـة دروع
بنت تفتح كيس إغاثه وهي تقـول يـارب كـوت
لجل تحضر به زفاف البرد في قاعـة خضـوع
شفـت ياظلـي المناظر؟حظـك انـك ماغفـوت
شف يسارك!!لايفوتك امش بشـرح كـل نـوع
هذا طبعا نوع نادر طفـل يبغـى شـوك تـوت
لجل يجـرح كـف ايـده ثـم تنبـت لـه زروع
ثم يقطع كف ايـده بـس .... مشكلتـه القنـوت
كيف يرفع كفه لأعلى عند رفعـه مـن الركـوع
امش اقول ياظلي احسن وفك هذا البـاب فـوت
مافيه حاجه غير شايب متكئ هـو فـوق كـوع
شرشفه منسوج فوقـه شوفـه شبـك العنكبـوت
قهوة الشايب مواجع ومن همومه لـه ...قـدوع
هم بنته..وهم دينـه ..طعمهـا طعـم السكـوت
يمضغ همومه ويمضغ والعجـم يصبـح دمـوع
آآه بس وشلون ارسل هالمناظر فـي كـروت..?
واعـزم النـاس بلباقـه والفـرح ليلـة ربـوع
واكتب الداعين ماتوا ..ويلزم احضـار البشـوت
لجل تلبسهـا خطاهـم مـن سـلالات الوجـوع
ظلـي راح وماتركته...يتّبـع خطـوات صـوت
والنتيجه ظل يبكـي ...وظـل تؤلمـه الضلـوع
وظلي يحضن ظل ثالث ومن جحـوده ماشكـوت
وصرت اهوجس من هو فرعي او انا مالي فروع
كني مجنونٍ اهذري وكـل ماحولـي هجـووت
وشفت اغصـانٍ كثيـره طايحـه دون الجـذوع
قلت اشيل غصنين منها لجل اصير اللي رجـوت
وقمت راجع يم دربي ..وانا اردد فـي الرجـوع
شفتوا ذاك اللي هنـاك؟ذاك..ذاك اللـي يمـوت
امه ماتت قبل امس والسبـب ..فيـروس جـوع
بقلم .............زيد نعالوه
الرئيسية 
أحدث الصور 
التسجيل 
دخول 
الجمعة فبراير 15, 2008 5:38 am
