قصة باب الحارة الجزء التالت ادخلوا واضحكوا

اولا:رحلت الحاره وهلأ صارو حارة ابو النار بالصويفيه.. وحارة الضبع بالرابيه
و ابو شهاب بدبر للثوار اسلحة نووية من ايران وكوبا .. إلو معارف هناك .... واصل الزلمة .
*وعصام بصير حلاق معلم وبصير يحط واكس للزباين .. وكمان بشغلو عندهم كوافيره ستاتي وبفتحو قسم للمساج
*ابو قاسم بغير ديكور الحمام وبشغل فيه فلبينيات نخب اول ودايما رجال الحارة عنده (بتعرفو نظافة زايدة)
*وعبده ببطل يخاف من قصص الجن بيصير زقرت وبيلعب حديد . وبتجوز فلبينية لانهم بدهم يعطوه ليرة زيادة على راتبو.
*ابو بشير بقلب المخبز تبعه آلي وبفتح جنبه مطعم فول وحمص وفلافل.
*ابو غالب بيشتري عرباية وبركب عليها مسجل سيارة وسماعات وبشغل عليها موسيقة سيارة البوظة او الغاز بتعرفوها اكيد عشان يبطل ازعاج وتجعير بصوته وبصير يبيع عليها ذرة وترمس وفلول وبليله..اكيد ما بستغنى عنها لانها بداياتو في السوق .
والخضرجي فتح كارفور خاص بالخضار بس
*وجميلة بتجيب خط امنية طلاب مشان تحكي بالليل على راحتها لانها الدقيقة بتعريفة.
*ومعتز بيركب على خطهم الارضي كاشف رقم لانو بتيجيه كثير معاكسات من بنات .... علمكم معجبات
*اما جوز فوزية بصير يلعب كراتيه وبصير زقرت لالله ... وبضلو يستنى معتز عالرايحة وعالجاية مشان يسلخو كف على رقبتو ... قال لانو في ثار قديم بينهم
*صطيف بيرجع عالحارة بيكون ابو شهاب ماقتلو بس طخ عليه بفرد صوت .. ووقتها صطيف عاش الدور وعمل حالو ميت .. لانهم كانو يومها يصورو الكاميرا الخفية وبدهم بس يخوفو عصام .... عاد مش حركة يومها لاني انا صدقتهم
*أبو عصام بكمل دكتوراه طب و بشتغل بمستشفى البشير
*أبو النار بروح يعمل شوية عمليات تجميل حتى يشيل تشطيبات أبو شهاب من على وجهه.
*أبو حاتم بفتح بدال القهوة إنترنت كافيه و بفتح جنبها صالة بلياردو
*ومن هلا بتقعد ام زكي تدور لابو شهاب على عروس لانو طالب وحدة تكون شقفة وطويلة وشقرا لانو ناوي يقهر فيها شباب نابلس.

هههههههههههههههه ان شا الله تكون عجبتكم

شكرا يا ميووس تئبشيني مزكاكي هههه

شو لول حبيبتي متفقة انت وميس تجاملوني يعني ههههههههه
شكرا لكم ا احبائي خخخخخخخخخ